شعر شعبي المسيلة

الزواج والفقر...

اضع بين ايديكم قصيدة شعبية تمثل ظاهرة اجتماعية منتشرة في مجتمعاتنا:


اليكم القصيدة التي يدور فيها الجدال بين شاب فقير محب وأب البنت الغني ...




الشاعر الفقير

راني حاير ياالأخوان.. من كثرة القيل والقال
أنا قربت للهبال.... ياخوتي وش غاد يصير
احليل العبد الهجال.... إذا ما عندوش المال
كي اخطبها قالوا محال كيفاش نعطوها للفقير؟؟؟

الأب الغني

مارانيش اندلل بيها ..واللي يخطبها نعطيها
تفعل أمزية تخطيها..رايح نعطيها للمدير
أمال بنتي تقرا وتفهم ..وانتايا ماكش متعلم
وتحب أتقلك أنعم .......واتقدم ياسي الفقير

الشاب الفقير

التقدم ماهوش لباس ولا في سشوار الراس
من داخل فارغ اخلاص ....لا ثقافة لا تنوير

الأب الغني

استغفر توب لمولاك ...خاتم اصبعها يسواك
وديت روحك للهلاك ...وانتايا مازلت صغير
شرطك أنت ما يكفينا وعلاش جيت تقلق فينا
وش تعطيها ما يرضينا... يا راجل وسعنا خير

الشاب الفقير

هذا العصر اللي حيرنا.. من داخل راح يدمرنا
تبعنا الجمال احقرنا ..........خلانا اشفايا للغير
يا ساتر لعيوب استرنا ...واحيي فينا ذا الضمير

اللهم امين مشكور على هذا الشعر الجميل